تم تمديد التقديم لبعثات جامعة الكويت الى يوم ١٧نوفمبر. .البعثات لدراسة الماجستير والدكتوراه
هذا موقع الجامعة
http://kucultural.kuniv.edu.kw/2_ad.htm
من خلال خبرتي بجامعة الكويت. هذي الامور تزيد من فرصتك على الحصول على بعثة:
١. عندك ماجستير من جامعة معترف فيها. ولو كنت دارس خارج الكويت في اوربا أوامريكا. هذا يزيد من فرصتك لأن يبين انك قادر ان تتحمل الغربة. حصولك على الماجستير يعني انك قللت على الجامعة مصاريف دراسة الماجستير.
٢. حصول على قبول ببرامج الماجستير من جامعة معتمدة لو كنت مقدم على بعثة ماجستير ودكتوراه ،وحصولك على قبول ببرامج الدكتوراه من جامعة معتمدة لو كنت مقدم على بعثة دكتواره فقط. لان الجامعة تفضل تعطي بعثة لشخص حاصل على قبول وضامنة راح يسافر بدال ما تعطي حق شخص بعثة وبعدين ما يقدر يحصل على قبول ببرنامج المطلوب.لأن القبول ببرامج في امريكا صاير وايد صعب لبعض التخصصات. ملاحظة القبول لازم يكون من الجامعات معتمدة من القسم اللي انت مقدم عليه. لمعرفة الجامعات المعتمدة اضغط على:
http://kucultural.kuniv.edu.kw/2_recog_univ.htm.
ملاحظة : لستة الجامعات المعتمدة قد تتغير كل سنة. معظم الجامعات عندها اخر يوم تقديم لبرامجهم يكون ما بين شهر ديسمبر الى شهر فبراير. قدم على البعثة ونفس الوقت قد على الجامعات. معظم المقابلات تصير ما بين فبراير الى مارس.
٣. حصول على معدل عالي طبعا مع حصول على درجات عالية بامتحانات المطلوبة مثل التوفل والجمات وجي ار اي
ملاحظة: امتحان التوفل يكون صالح لمدة سنتين ويمكن تحاول مرة بالشهر وتختار درجة الاعلى وترسلها للجامعة اما امتحان الجمات وجي ار اي فيحفتظون باخر درجات خمس سنين وما يصير ترسل احسن درجة لانهم راح يرسلون جميع درجاتك اخر ٥ سنين للجامعة. انصحكم ما تمتحنون بامتحان الجمات او جي ار اي الا بعد دراسة جادة. انصحكم باشتراك بدورة لامتحان الجمات وجي ار اي.
اللي عنده اي أسئلة أو استفسار عن البعثات خصوصا بكلية العلوم الادارية يقدر يسألني .يمكن أقدر افيده خصوصا اني اشتغل مدرس مساعد (معيدة) بالكلية. لو ما عرفت الجواب قد اوجهكم حق الشخص المطلوب اللي يجاوب على استفساركم
موفقين ان شاء الله 🙂
Email: website@peachbox.com
